കാലമേ,
അതിരൌദ്ര മഹാനദീജലപ്രളയപ്രവാഹമേ,
പ്രാണനും, പ്രണയവും, പ്രക്യതിയുമാകാശവും
മുഖം നോക്കും നിത്യനീല സ്പടികപ്രകാശമേ,
ഇല്ല,
ഞാനില്ല,
നിണ്റ്റെ ദുരിതത്തിലേക്കൊഴുകാന്‍,
നിണ്റ്റെ കെടുതികളിലലിയാന്‍;
ഈ കടവിലിരിക്കട്ടെ ഞാനല്‍പം;
ജീര്‍ണിച്ച ജഡങ്ങളും, ബലിയിട്ട പൂക്കളും കരിക്കിന്‍ തൊണ്ടും,
കുരുത്തോലത്തോരണങ്ങളും
ഒഴുകിയൊലിക്കുന്നതു കാണാം.
കാക്കയും, കഴുകനും കൊത്തിവലിക്കുന്ന-
നിണ്റ്റെ ഉടല്‍ കണ്ടെന്‍ കരള്‍ നോവുന്നുണ്ടെങ്കിലും,
ഞാനില്ല..
കാണാത്ത കാഴ്ചകളിലേക്കെന്തിനു നീയെന്നെ കൈപിടിച്ചു വലിക്കുന്നു?
ഒരിളം വാഴത്തണ്ടായ്‌ നിണ്റ്റെകൈകളില്‍ പൊങ്ങിക്കിടക്കാനുമെനിക്കാകില്ല.
നീന്തി,നീന്തി അവസാന സാഗരത്തിലുമെത്താനെനിക്കാകില്ല
ഞാനീ കടവിലിരിക്കാം.
ഈ കാഴ്ചകളൊക്കെ കാണാം;
ഈ കലക്ക വെള്ളത്തിലിത്തിരി നേരം
കാലിട്ടടിച്ചു കളിച്ചു രസിക്കാം....
skip to main |
skip to sidebar
About Me
- ബാവ താനൂര്‍
- മാന്യരേ, അയച്ചു തന്ന കഥ/ കവിത /ലേഖനം / ചിത്രം കിട്ടി. ഉപയോഗിക്കാന് കഴിയാതെ വന്നതില്ഖേദിക്കുന്നു.തിരിച്ചയക്കുകയാണ്.ഇരുപതാം നൂറ്റാണ്ടില് പത്രാധിപര് തിരിച്ചയച്ച ബാവ ഇരുപത്തൊന്നാം നൂറ്റാണ്ടില് ബ്ളോഗില് വന്നു പിറന്നു. (ഉള്ളടക്കം:കാര്ട്ടൂണുകള്,കഥകള്, കവിതകള്,ചിത്രങ്ങള്,കുറിപ്പുകള്, ചിന്താശകലങ്ങള്. പകര്പ്പവകാശം:© ബാവ താനൂര്‍).
Followers
'http://www.cyberjalakam.com/aggr/jalakam.png' />
4 comments:
കാലമേ.......
ഞാനീ കടവിലിരിക്കാം.
ഈ കാഴ്ചകളൊക്കെ കാണാം;
ഈ കലക്ക വെള്ളത്തിലിത്തിരി നേരം
കാലിട്ടടിച്ചു കളിച്ചു രസിക്കാം....
കാലത്തോടൊപ്പം നീന്തിയല്ലേ പറ്റൂ..
:)
എത്ര നേരം ! ഒരു ദിനം ഒഴുകിയല്ലേ പറ്റൂ ശക്തമായ പ്രവാഹത്തിൽ
ഈ കലക്ക വെള്ളത്തിലിത്തിരി നേരം
കാലിട്ടടിച്ചു കളിച്ചു രസിക്കാം....
Post a Comment